زجلية شامية ..... (رايح من الوطن يا ليل الإنقسام )

ما ضل حكي ,,,على شفاف البكي ,,,

ما ضل بحروف الحزن ,,,وجع ,,,

إلا وبشقه الدمع ,,, سال,,, ويا ريته هدي ,,,,

أنا حبيت بنت الجيران ,,,وقالولي لابن عما ,,,

لا تحلم وانسى يا سكران ,,,بليالي شوق ,,, لا تتمنى ,,,

جاوبت العزال ,,,أنا بالوطن ,,,,منا,,,

وهي من دمي وأنا ,,,من دما ,,,

ولو يختلف اسم ربعي ويا ربعا ,,,

يتفق الاثنين على الواحد علمنا ,,,,

ولو يفترق الطريق لداري ولا بيتا ,,,

نظل إحنا أهل ,,,والأرض تجمعنا ,,,

ولو بتحملوا تراب الوطن ,,,أنا شغلتي بنا ,,,,

والبلد عن كل ولد أبدا ما تستغني ,,,,

ولشو الحكي وأنا يا اللي فيها أولى ,,,,

ولو هو الحارس لمالا ,,,,

راح فوقا بسعد قلبا ,,,,

ورايح من الوطن يا ليل الانقسام ,,,,

زايل يا وهن راح نمحيك من الزمان ,,,,

وبحق كل ما دقنا فيك من هوان ,,,

وبحق كل محنة اتعذبنا فيها زمان ,,,,

وبحق كل طلة لفجر بعده ما آن ,,,,

راح نرفع علمنا ,,,ونوحد الأوطان ,,,

ـــــــــــــــــــــــــــــــــــــــــــــــــــــــــــــــ

كلمات الشاعرة \داليا الحسيني